11.01.2024
MS sigraði lið Tækniskólans í 1. umferð Gettu betur í gær eftir æsispennandi keppni. Lokatölur voru 26-21, MS í vil. Næst keppir MS við Fjölbrautaskóla Vesturlands á Akranesi föstudaginn 19. janúar. Til hamingju með frábæran árangur, Darri Þór, Sigurjón Nói og Emma Elísa!
04.01.2024
Fimmtudaginn 25. janúar verða haldin stöðupróf í arabísku, hollensku, lettnesku, pólsku, rússnesku, víetnömsku og þýsku í MS. Skráning og nánari upplýsingar hér.
20.12.2023
Menntaskólinn við Sund óskar öllum nemendum, starfsfólki og öðrum velunnurum gleðilegra jóla og farsældar á nýju ári með þökk fyrir samstarfið á árinu. Skrifstofa skólans verður lokuð frá og með 21. desember 2023 til og með 3. janúar 2024. Skrifstofan opnar aftur 4. janúar kl. 8:00 en þá hefst líka kennsla samkvæmt stundaskrá. Njótið hátíðanna!
18.12.2023
Hér má sjá dagskrá matsdaga 19.-20. desember. Nemendur bera sjálfir ábyrgð á að vera í samskiptum við sína kennara og mæta í próf / verkefni á réttum stað og stund.
15.12.2023
Skrifstofa skólans verður lokuð frá og með 21. desember 2023 til og með 3. janúar 2024. Skrifstofan opnar aftur kl. 8:00 4. janúar en þá hefst líka kennsla aftur samkvæmt stundaskrá.
08.12.2023
Nemendur MS, þeir Alex Baldur og Hilmar Þórgnýr, hlutu titilinn framhaldsskólameistarar í bridge á dögunum. Við óskum þeim innilega til hamingju!
04.12.2023
Á vetrarönn verður boðið upp á stoðtíma í stærðfræði tvisvar í viku, á þriðjudögum kl. 14:40-15:40 og á fimmtudögum kl. 15-16. Tímarnir verða í stofu AÐA21 og þurfa nemendur að skrá sig fyrirfram á skrifstofu eða í tölvupósti til fagstjóra í stærðfræði (ileanam@msund.is).
Við hvetjum nemendur að nýta sér stoðtímana.
30.11.2023
Í gær voru haldnar frábærar Menntabúðir í MS þar sem starfsfólk kynnti fjölbreytt þróunarverkefni og aðferðir til náms og kennslu sem það hefur verið að prófa sig áfram með í haust.
27.11.2023
Við lok haustannar 2023 brautskráðust tveir nemendur frá skólanum. Formleg útskriftarathöfn fór því ekki fram en rektor skólans, Helga Sigríður Þórsdóttir, mætti í útskriftarveislu og útskrifaði annan nemandann á staðnum. Hinn nýstúdentinn var erlendis en útskrifaðist á skrifstofu skólans fyrir brottför. Til stendur að nokkir nemendur til viðbótar ljúki námi í desember og útskrifist þá. Við óskum nýstúdentum innilega til hamingju með áfangann!
19.11.2023
Búið er að opna fyrir stundatöflur nemenda í INNU á vetrarönn. Opnað hefur verið fyrir óskir um töflubreytingar í Innu og er opið fyrir þær til kl. 15:00 mánudaginn 20. nóvember. Kennsla á vetrarönn hefst samkvæmt stundaskrá þriðjudaginn 21. nóvember. Nemendur eru beðnir um að kynna sér vel þessar leiðbeiningar um töflubreytingar í Innu.