ENSK2AE05 - Akademísk enska

Þekkingarviðmið
Nemandi skal hafa öðlast þekkingu og skilning á:

• málefnum settum fram á formlegan akademískan hátt
• viðhorfum og gildum er móta menningu mismunandi enskumælandi þjóða
• mismun formlegs og óformlegs orðaforða og málsniðs
• framsetningu ritaðs og talaðs máls settu fram á formlegan hátt

Leikniviðmið
Nemandi skal hafa öðlast leikni í að:

• lesa texta á akademískri ensku sér til skilnings
• skilja talaða ensku um efni sem hann hefur kynnt sér
• kynna munnlega ýmis málefni á formlegan hátt
• tjá sig á skipulegan hátt um akademísk efni sem hann hefur kynnt sér
• skrifa ýmiss konar texta, formlega og óformlega, samkvæmt enskum reglum og hefðum
• nota almennar orðabækur við nám sitt

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• nýta sér texta og umræður um akademísk efni í ræðu og riti
• draga ályktanir um tilgang höfunda akademískra texta
• greina menningarlegt samhengi í bókmenntaverkum á ensku
• taka þátt í skoðanaskiptum með rökum um ýmis menningartengd málefni
• tjá sig á skipulegan hátt um sérvalið efni og svarað spurningum um það efni
• skrifa formlega styttri texta þar sem lagt er mat á efnið sem fjallað er um
• tjá sig ýmist skriflega eða munnlega á huglægan og skapandi hátt með mismunandi sniði
• skrifa formlega ritgerð með inngangi með efnisyrðingu, meginmáli og lokaorðum
• nýta sér orðabækur við nám sitt á skilvirkan hátt

Nánari upplýsingar á námskrá.is