STÆR2HS05(ms) - Hagnýt stærðfræði í föllum og deildun

Velda og lograreglum beitt á hagnýt viðfangsefni. Fallhugtakið skilgreint og unnið með vísis- og lograföll. Afleiðuhugtakið skilgreint og helstu afleiðureglur kynntar. Afleiðum beitt í greiningu hagfræðilegra falla. Jafnmuna- og jafnhlutfallaraðir og summur þeirra kynntar og þeim beitt á hagfræðileg viðfangsefni.

Þekkingarviðmið
Nemandi skal hafa öðlast þekkingu og skilning á:                

• veldareglum
• lograreglum
• reglunni um samfellda samsetta vexti
• fallhugtakinu
• skilgreiningu á afleiðu
• afleiðum margliðufalla og lografalla
• jafnmuna- og jafnhlutfallaröðum og summum þeirra

Leikniviðmið
Nemandi skal hafa öðlast leikni í að:

• setja fram viðkomandi námsefni á stærðfræðilegan hátt og geta túlkað það sem felst í táknmálinu á mæltu máli 
• beita velda-og lograreglum á hagnýt viðfangsefni á sviði hagfræði 
• beita reglunni um samfellda samsetta vexti á hagnýt viðfangsefni 
• beita afleiðum til greiningar á hagfræðilegum föllum, t.d. tekju-, kostnaðar- og hagnaðarföllum 
• nota jafnmuna-og jafnhlutfallaraðir á hagnýtan máta 
• tjá sig um niðurstöður á skilmerkilegu máli 
• teikna gröf falla 

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• vinna að fjölbreyttum stærðfræðilegum verkefnum 
• geta sett sig inn í og túlkað útskýringar og röksemdir annarra af virðingu og umburðarlyndi án fordóma
• geta skráð lausnir sínar skipulega, skipst á skoðunum við aðra um þær og útskýrt hugmyndir sínar og verk í mæltu máli, myndrænt eða með hjálpartækjum 
• áttað sig á tengslum ólíkra aðferða við framsetningu stærðfræðilegra hugmynda og viðfangsefna 
• geta greint og hagnýtt upplýsingar á sviði hagfræðilegrar stærðfræði 
• skilji merkingu og tengsl hugtaka í námsefninu og geti unnið með þau 
• beita gagnrýninni og skapandi hugsun og sýni áræðni, frumkvæði, innsæi og frumleika við lausn verkefna og þrauta