FATA3FF05 - Fatagerð og fatahönnun

Í áfanganum læra nemendur meiri tækni og dýpt í fatagerð og fatahönnun. Í áfanganum er lögð áhersla á að þjálfa nemendur í meiri sníðagerð og saumaskap við að þróa færni í að framkvæma hugmyndir sínar og að efla sjálfstæð vinnubrögð. Nemendur læra að rykkja, fella og brjóta efni, þrykkja og gera prufur til að þróa enn frekar hugmyndir sínar í fatahönnun og saumaskap. Nemendur hanna yfirhöfn sem lokaverkefni. Nemendur gera ferilbók og fara í vettvangsferð.

Þekkingarviðmið
Nemandi skal hafa öðlast þekkingu og skilning á:

• hugmyndaöflun og tækni í fatahönnun og fatagerð
• sníðagerð, efnisþörf, textíl- og saumtækni
• vönduðum vinnubrögðum
• mismunandi eiginleikum textílefna

Leikniviðmið
Nemandi skal hafa öðlast leikni í að:

• hanna flíkur og nytjahluti
• taka líkamsmál og teikna flóknari snið
• nýta sér möguleika saumavéla og saumtækni
• nýta sér möguleika í notkun og endurvinnslu textílefna
• temja sér vönduð vinnubrögð við alla þætti vinnunnar

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• leita hugmynda
• teikna hugmyndir sínar og útskýra
• kunna að útfæra og framkvæma hugmyndir sínar í saumaskap
• þekkja möguleika í endurvinnslu og umhvefisvitund á textílefnum