ÍSLE3HB05 - Höfuðverk íslenskra bókmennta

Í þessum áfanga kynnast nemendur höfuðverkum íslenskra bókmennta frá 1550-2000 með áherslu á verk nokkurra höfuðskálda. Nemendur fá þjálfun í greiningu ljóða og lausamáls og lesa vandlega valin skáldverk. Einnig fá nemendur þjálfun í ritun þar sem lögð er áhersla á rökstudda og gagnrýna afstöðu þeirra til viðfangsefnisins.

Þekkingarviðmið
Nemandi skal hafa öðlast þekkingu og skilning á:

• völdum bókmenntum frá tímabilinu
• helstu straumum og stefnum, nokkrum höfundum og verkum í íslenskri bókmenntasögu
• hlut kvenna í bókmenntum og bókmenntasögu
• algengum bragreglum og bragarháttum
• myndmáli og stílbrögðum

Leikniviðmið
Nemandi skal hafa öðlast leikni í að:

• greina bókmenntatexta frá ýmsum tímum
• lesa og túlka bókmenntir með gagnrýnum augum
• tjá sig í ræðu og riti um valin verk, höfunda og stefnur tímabilsins
• skilja, greina og beita myndmáli og stílbrögðum
• fjalla ítarlega um einkenni og stíl valinna verka

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• greina áhrif helstu strauma og stefna á höfunda og verk frá ýmsum tímum
• gera sér grein fyrir hlutverki bókmennta í samfélaginu og áhrifum þeirra á einstaklinga og samfélag
• beita bókmenntahugtökum til að greina hvers kyns texta
• setja fram mál sitt í ræðu og riti á gagnrýninn og rökstuddan hátt
• kynna skáld og skáldskap á frumlegan og skapandi hátt

Nánari upplýsingar á námskrá.is