Fréttir

Skrifstofa MS verður lokuð 21. desember - 5. janúar. Skrifstofan opnar aftur á nýju ári kl. 8:00 mánudaginn 6. janúar og kennsla hefst þann dag samkvæmt stundaskrá. Við óskum öllum nemendum og starfsfólki MS gleðilegra jóla og farsældar á nýju ári og þökkum fyrir samstarfið á árinu!

Hér má sjá dagskrá matsdaga 19. og 20. desember. Nemendur bera ábyrgð á því að vera í samskiptum við kennara og mæta í sín próf / verkefni á réttum stað og stund.

Litlu jól framhaldsskólanna fóru fram í Fjölbrautaskólanum við Ármúla fimmtudaginn 28. nóvember en viðburðurinn var haldinn af umhverfisnefndum MS, FÁ og Tækniskólans. Tilgangur viðburðarins var að fræða nemendur um loftslagsmál með skemmtilegum hætti. Hringrásarhagkerfið var allsráðandi á viðburðinum og hver einasta smiðja úthugsuð frá umhverfissjónarmiði. Viðburðurinn gekk afskaplega vel og söfnuðust 37 þúsund krónur til styrktar Barnaheilla.

Skrifað var undir samstarfsyfirlýsingu í dag vegna barna í viðkvæmri stöðu í Reykjavík. Yfirlýsingin miðar að því að þróa áfram samvinnu á grundvelli laga og stefnu Reykjavíkurborgar til að tryggja umönnun og vernd barna gegn ofbeldi eða annarri vanvirðandi háttsemi. Lesa meira...

Langar þig að upplifa kósý jólastemningu? Á fimmtudaginn þann 28. nóvember verða 26 dagar til jóla! Því ekki seinna vænna að komast í gott jólaskap, gæða sér á kakói, hlusta á jólatónlist, styrkja góðgerðamál, föndra, næla sér í jólafötin á fataskiptimarkaði og eiga góða samverustund með vinum! Öllum nemendum og ungmennum á framhaldsskólaaldri er boðið að koma í Fjölbrautaskólann við Ármúla á milli 14-16 þann 28. nóvember og eiga frábæra stund á Litlu jólum framhaldsskólanna! Litlu jól framhaldsskólanna eru skipulögð af umhverfisnefndum MS, FÁ og Tækniskólans fyrir tilstilli styrkts úr Loftslagssjóði ungs fólks í Reykjavík. 

Nú er fyrstu kennsluviku vetrarannar lokið og hafa annaskiptin gengið ljómandi vel. Nóg var um að vera í skólanum þessa vikuna og kom skemmtilega út að hafa 85 þemavikuna strax í upphafi annar, það er spennandi en líka krefjandi fyrir marga að byrja í nýjum áföngum með nýju samstarfsfólki og 85 stemmingin gerði vikuna léttari og opnari. 85 stemmarinn náði svo hámarki í gær þegar sjálfur 85 dansleikurinn var haldinn. Nemendur skemmtu sér vel og voru sér sjálfum og skólanum sínum til mikils sóma. Mjög gaman var að sjá hve margir aðstandendur gengu til liðs við okkur og sinntu foreldraröltinu, þetta hefur mjög mikið að segja og gerir dansleikina okkar bæði aðgengilegri og öruggari. Lesa meira...

Stundatöflur vetrarannar eru nú tilbúnar í INNU. Einnig hefur verið opnað fyrir beiðnir um töflubreytingar í Innu og verður hægt að óska eftir töflubreytingum til kl. 15:00 mánudaginn 18. nóvember. Lesa meira...

Námsmatssýning haustannar 2024 verður haldin fimmtudaginn 14. nóvember. Á námsmatssýningu gefst nemendum tækifæri til þess að skoða námsmatið og gera athugasemdir. Fyrirkomulag námsmatssýningarinnar verður með tvenns konar móti, annars vegar í skólanum og hins vegar í gegnum TEAMS. Nemendur skulu því kynna sér upplýsingarnar hér mjög vel. Lesa meira...

Síðasti kennsludagur haustannar er föstudagurinn 8. nóvember. Í næstu viku eru matsdagar og einkunnaskil. Hér má sjá dagskrá matsdaga og yfirlit yfir mikilvægar dagsetningar á annarskilum. Kennsla hefst á vetrarönn samkvæmt stundaskrá þriðjudaginn 19. nóvember.

Ekki verða innritaðir nýir nemendur í MS á vetrarönn 2024. Áhugasömum er bent á að vera í sambandi við skólann varðandi innritun á vorönn um mánaðarmótin janúar/febrúar 2025.