Fréttir

Borgarráð hefur samþykkt að veita 500.000 króna styrk fyrir verkefninu „Loftslagspartý framhaldsskólanna“. Verkefnið gengur út á að efla samvinnu framhaldsskóla í umhverfismálum og halda stóran loftslagsviðburð fyrir ungmenni í Reykjavíkurborg. Samstarfsskólar Fjölbrautaskólans við Ármúla í verkefninu eru Tækniskólinn og Menntaskólinn við Sund. Umhverfisráðin í skólunum þremur koma til með að skipuleggja loftslagsviðburðinn saman og verður hann haldinn fyrir lok árs. Lesa meira...

Í MS starfa framúrskarandi kennarar og fjórir úr þeim hópi héldu í dag erindi á Menntakviku, ráðstefnu um menntarannsóknir. Á ráðstefnunni var heil málstofa um þróunarstarf í Menntaskólanum við Sund. Lesa meira...

Skrifstofa skólans verður lokuð fram á mánudag 23. september.

Miðvikudag og fimmtudag 18.-19. september eru matsdagar í MS og dagskrá þeirra má sjá hér neðar. Mikilvægt er að nemendur séu í samskiptum við sína kennara og mæti í verkefni / próf á réttum stað og stund. Föstudaginn 20. september er haustfrí og skólinn lokaður.

Samfélagslöggan var í húsi í vikunni og heimsótti alla nýnema í Krossgötum. Samfélagslöggan er forvarnaverkefni Lögreglunnar á Höfuðborgarsvæðinu og miðar að því að færa lögregluna nær samfélaginu og styrkja tengsl hennar við ungt fólk sérstaklega. Nemendur fengu fræðslu og spurðu mjög flottra spurninga. Einnig fengu þau sem vildu að máta skotheldu vestin eða að prófa að setja handjárn á félaga sína. Við þökkum Samfélagslöggunni fyrir komuna.

Við minnum á upplýsingafund fyrir foreldra / aðstandendur nýnema í Menntaskólanum við Sund miðvikudaginn 4. september kl. 20. Á fundinum verða kynnt helstu atriði sem fylgja því að eiga barn í framhaldsskóla, áherslur í náminu og þjónusta sem skólinn býður uppá. Hvetjum foreldra nýnema til að fjölmenna.