SAGA2MÍ05 - Mannkyns- og Íslandssaga frá 18. öld

Viðfangsefni áfangans er mannkyns- og Íslandssaga frá lokum 18. aldar til líðandi stundar. Kynntar verða helstu hugmyndir, stjórnmálastefnur og átök. Í áfanganum verður lögð sérstök áhersla á mannréttindi og þróun lýðréttinda, stjórnmála og lykilatburða sögunnar. Fjallað verður um þær miklu samfélagsbreytingar sem hafa orðið á tímabilinu. Saga Íslands verður skoðuð í samhengi við sögu umheimsins.

Þekkingarviðmið
Nemandi skal hafa öðlast þekkingu og skilning á:

• völdum þáttum mynnkynssögunnar frá 1800 til líðandi stundar
• helstu samfélagsbreytingum á tímabilinu
• þróun lýðræðis og mannréttinda
• helstu átökum og ógnum á tímabilinu, orsökum þeirra og afleiðingum

Leikniviðmið
Nemandi skal hafa öðlast leikni í að:

• vinna með ólíkar tegundir heimilda; greina þær og nota
• draga ályktanir af ólíkum tegundum heimilda
• endursegja og skapa sögulega mynd út frá heimildum

Hæfniviðmið
Nemandi skal geta hagnýtt þá þekkingu og leikni sem hann hefur aflað sér til að:

• miðla sögulegri þekkingu til annarra
• skrá sögulegar heimildir samkvæmt viðurkenndu skráningarkerfi
• meta og skilja sögulegt efni og umfjöllun

Gerð er grein fyrir námsmati og sundurliðun þess í námsáætlun.

Undanfari: Enginn