Fréttir

Dagskrá matsdaga 28.-29. janúar

Hér má sjá dagskrá matsdaga 28.-29. janúar. Nemendur bera sjálfir ábyrgð á því að vera í samskiptum við sína kennara og mæta í próf / verkefni á réttum stað og stund.

MS áfram í Gettu betur

Gríðarleg spenna var í Útvarpshúsinu í gærkvöldi þar sem MS mætti Borgarholtsskóla í 16 liða úrslitum Gettu betur. Keppnin endaði í bráðabana þar sem MS hafði betur. MS hefur því tryggt sér sæti í 8 liða úrslitum sem hefjast í febrúar í sjónvarpssal. Frábær árangur hjá okkar fólki!

Engin innritun á vorönn 2025

Engir nýir nemendur verða teknir inn í MS á vorönn 2025. Næst verða nemendur teknir inn á haustönn 2025.

Vinnustofa um börn í viðkvæmri stöðu

Með tilkomu laga um samþætta þjónustu  í þágu farsældar barna (nr. 86/2021) hefur ríki og Reykjavíkurborg unnið markvisst að því að efla samstarf allra tengiliða sem vinna með börnum og ungmennum í viðkvæmri stöðu. Fimmtudaginn 16. janúar var haldin vinnustofa á vegum stýrihóps lögreglunnar, Norðurmiðstöðvar, framhaldsskóla í hverfi Norðurmiðstöðvar (MS, FÁ og Versló), heilsugæslunnar, barnaverndar og íþróttafélaga í hverfinu. MS átti sína fulltrúa á vinnustofunni, bæði starfsfólk í stoðþjónustu sem sat vinnustofuna, og nemendur sem tóku þátt í pallborðsumræðum um hatursorðræðu. Við lok vinnustofunnar var flutt skemmtiatriði af nemanda úr MS. Lesa meira...

Jafnréttisvika í MS

Vikuna 20.-24. janúar er jafnréttisvika í MS. Jafnréttisvikan er tileinkuð því að vekja athygli á jafnréttismálum og stuðla að auknu jafnrétti innan skólans. Þema jafnréttisvikunnar í ár er kynjahlutverk og hefur feministaráð SMS útbúið heimasíðu til að vekja athygli á málefninu og dagskrá vikunnar. Lesa meira...

Fyrirtækjasmiðja að hefjast

Lokaverkefni nemenda á hagfræði- stærðfræðilínu felst í þátttöku í Fyrirtækjasmiðju Ungra frumkvöðla sem haldin er á hverju vori. Verkefnið fer senn af stað vorið 2025 og á dögunum fengu nemendur kynningu í HR þar sem frú Halla Tómasdóttir, forseti Íslands, flutti ávarp og vinningslið fyrri ára sögðu frá sínum fyrirtækjum. Lesa meira...

Þóra Fanney sigraði Bauluna

Baulan, söngvakeppni SMS, var haldin þann 9. janúar í Sjálfstæðishúsinu við Austurvöll. Þar stigu á stokk fjöldamörg hæfileikabúnt. Keppnin fór vel fram og voru nemendur og SMS skólanum til sóma. Sigurvegari kvöldsins var Þóra Fanney Hreiðarsdóttir og óskum við henni innilega til hamingju!

MS komst áfram í Gettu betur

Þau Sigurjón, Matthilda og Oliwia komu sáu og sigruðu í útvarpshúsinu á fimmtudaginn með sigri á MK. Þar með tryggðu þau sér sæti í annarri umferð Gettu betur. Næst keppir MS við Borgarholtsskóla fimmtudaginn 23. janúar. Áfram MS!

Gettu betur og Baulan

MS mætir MK í fyrstu umferð Gettu betur fimmtudaginn 9. janúar kl. 18. Keppnin er í beinni á RÚV.is en MS-ingar eru hvattir til að fjölmenna í Útvarpshúsið Efstaleiti og styðja sitt lið. Seinna um kvöldið fer svo fram Baulan, söngvakeppni SMS. Baulan er haldin í Sjálfstæðishúsinu við Austurvöll og hefst kl. 20.

Brautskráning í desember

Þann 20. desember síðstliðinn brautskráðust þrír nemendur frá MS, einn af líffræði- og efnafræði línu og tveir af hagfræði- og stærðfræðilínu. Við óskum þeim innilega til hamingju með áfangann.