KROS1HF01 - Krossgötur - heilbrigði og forvarnir

Í áfanganum er áhersla lögð á forvarnir í víðu samhengi, s.s. tóbak og vímuefni, tölvu- og netnotkun og hegðun í umferðinni. Einnig verður sjónum beint að kynheilbrigði og hvernig samskipti, tilfinningar og samfélagið hefur áhrif á hugmyndir og væntingar til kynlífs. Fjallað verður um jafnréttismál og staðan í samfélaginu skoðuð með tilliti til þess.

Þekkingarviðmið
Nemandi skal hafa öðlast þekkingu og skilning á:

• mikilvægi kynheilbrigðis.
• algengum kynsjúkdómum og getnaðarvörnum.
• hugtökum tengdum kynheilbrigði, t.d. kynvitund, kynhneigðir, kynlíf, klám og klámvæðing.
• því hvaða áhrif sjálfsmynd og tilfinningar hafa á kynlífshegðun einstaklinga.
• algengum vandamálum sem upp koma í kynlífi og frjósemi.
• ýmsum áhættuþáttum í lífi ungmenna s.s. tóbak og vímuefni, tölvu og netnotkun og hegðun í umferðinni.
• því að jafnréttismál varða allt samfélagið.
• staðalímyndum um kvenleika og karlmennsku.
• kynbundnu ofbeldi sem og kynferðislegu ofbeldi.
• umferðaröryggi.

Leikniviðmið
Nemandi skal hafa öðlast leikni í að:

• þekkja eigið viðhorf til kynlífs.
• tjá eigin skoðanir.
• nota viðeigandi samskipti sem einkennast af virðingu.
• fjalla um kynheilbrigði og kynlíf af virðingu og umburðarlyndi.
• skoða og meta eigið heilbrigði og velferð og taka ábyrgð á eigin hegðun.
• greina mýtur, fordóma og ranghugmyndir í tengslum við staðalímyndir og kynhegðun.

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• taka ábyrgð á eigin lífi og gjörðum m.a. með ábyrgri afstöðu til áhættuhegðunar.
• líta á veröldina út frá sjónarhorni ólíkra hópa í samfélaginu.
• stuðla að bættu umferðaröryggi.
• stuðla að eigin kynheilbrigði.
• geta tekið vel ígrundaðar ákvarðanir varðandi eigið kynheilbrigði.
• geta séð og borið virðingu fyrir sjónarmiði annarra varðandi kynlíf og kyntjáningu.
• vera meðvitaður um mikilvægi opinna samskipta og virðingu í kynferðislegum samskiptum/tilhugalífi.
• þora að spyrja spurninga og láta eigin skoðanir í ljós.

Nánari upplýsingar á námskrá.is