STÆR2HV05(ms) - Hnitakerfi og vektorar

Undanfari: STÆR2HA05

Meginahersla áfangans eru hornföll og hornafallareglur sem tengjast þríhyrningum og einingahring. Þá eru einnig kynnt gröf hornafalla og hvernig þau tengjast hornareglum. Vigrar í tvívíðri sléttu með áherslu á hagnýtingu í öðrum greinum og farið yfir helstu reiknireglur vigra.

Þekkingarviðmið
Nemandi skal hafa aflað sér þekkingar og skilnings á:

• Hornaföll og andhverf hornaföll
• Þríhyrningareglurnar
• Hornareglur, hornajöfnur
• Gröf hornafalla
• Vigrar í tvívíðu hnitakerfi -
• Reiknireglur vigra

Leikniviðmið
Nemandi skal hafa öðlast leikni í að:

• setja fram viðkomandi námsefni á stærðfræðilegan hátt, geta túlkað það sem felst í táknmálinu á mæltu máli
• nota rúmfræði og hnitafræði í tvíviðu hnitakerfi
• notað hornfölin og hornareglur túlkað niðurstöðu
• notað þríhyrningareglur og túlka þær
• túlka eiginleika vigra á viðfangsefnum sem leiða til línulegs sambands
• nota reiknivélar

Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:

• hafa unnið að fjölbreyttum stærðfræðilegum verkefnum, nánar tiltekið
  - geta sannað setningar í rúmfræði út frá þekktum niðurstöðum
  - geta rakið sannanir á helstu reglum úr námsefninu

• geta sett sig inn í og túlkað útskýringar og röksemdir annarra af virðingu og umburðarlyndi án fordóma
• geta skráð lausnir sínar skipulega, skipst á skoðunum við aðra um þær og útskýrt hugmyndir sínar og verk í mæltu máli, myndrænt eða með hjálpartækjum
• átta sig á tengslum ólíkra aðferða við framsetningu stærðfræðilegra hugmynda og viðfangsefna
• geta greint og hagnýtt upplýsingar á sviði stærðfræði i töluðu eða rituðu máli og myndrænt