Kynning fyrir 10. bekkinga

Almennt um skólann

• Menntaskólinn við Sund er bóknámsskóli með tvær brautir og fjórar námslínur til stúdentsprófs auk starfsbrautar.
• Þriggja anna kerfi sem þýðir að skólaárinu er skipt í þrjár jafnlangar annir. Haustönn, vetrarönn og vorönn. Hver önn er 12 vikur og skiptist í kennsludaga, matsdaga og umsjónardag.
• Nemendur á félagsfræðabraut taka eina listgrein í kjarna. Allir nemendur geta svo valið sér listgreinar hafi þeir áhuga á. Um er að ræða, myndlist, fatahönnun, leirmótun, raftónlist og kvikmyndagerð.
• Fjölbreytni í náms -og kennsluháttum og áhersla lögð á skapandi, verkefnatengt og samvinnutengt nám og unnið er út frá þeirri kennslufræði að byggja upp námskraft nemenda (BLP).
• Ekki er sérstakt prófatímabil heldur er símat í öllum áföngum og gert er ráð fyrir stöðugri og jafnri vinnu allra út allt skólaárið.
• Nemandi í fullu námi er ýmist í 4 eða 5 áföngum í einu en kerfið er sveigjanlegt og býður upp á það að nemendur stilli af námshraða sinn miðað við getu og aðstæður.
• Félagslífið er öflugt og og fjölmargar nefndir starfandi. Í hverri nefnd er gert ráð fyrir nýnema að hausti til, svo nemendur sem hafa virkilegan áhuga á að hafa áhrif á félagslífið geta sótt um setu í nefndum strax við upphaf skólagöngu sinnar.

Opið hús verður í MS miðvikudaginn 13. mars kl. 16-18. Öll velkomin!

Hér má skoða glærur frá opnu húsi 2024

Kynningarmyndbönd

Hér má sjá myndband sem nemendur hafa útbúið til að kynna skólann sinn. Fjallað er um skólann, húsnæðið, brautirnar og línurnar og auðvitað félagslífið.

Félagsfræðabraut

• Á félagsfræðabraut er lögð áhersla á menningu, tungumál, sögu og samfélag. Þar fá nemendur tækifæri til að efla samskiptahæfni sína, lýðræðis- og jafnréttisvitund, læsi í víðum skilningi og tjáningu í ræðu og riti. Félagsfræðabrautin skiptist í tvær línur:
  • félagsfræði- og sögulínu
  • hagfræði- og stærðfræðilínu.

Náttúrufræðibraut

• Á náttúrufræðibraut er lögð áhersla á góðan skilning á náttúrufræðilegum hugtökum, vísindalegum vinnubrögðum og hugsunarhætti sem nýtist í daglegu lífi. Náttúrufræðibrautin skiptist í tvær línur:

  • eðlisfræði- og stærðfræðilínu
  • líffræði- og efnafræðilínu.

Námsbrautir í MS

Í MS er boðið upp á nám á eftirfarandi námsbrautum:

• Náttúrufræðibraut
  • Líffræði- og efnafræðilína
  • Eðlisfræði- og stærðfræðilína
• Félagsfræðabraut
  • Hagfræði- og stærðfræðilína
  • Félagsfræði- og sögulína
• Starfsbraut

Inntökuskilyrði, umsóknir og úrvinnsla

• Almennt skilyrði þess að hefja nám til stúdentsprófs í Menntaskólanum við Sund á öðru hæfnistigi í lykilgreinum haustið 2024 er að hafa hlotið að lágmarki einkunnina B í íslensku, stærðfræði og ensku við lok grunnskóla. Við úrvinnslu umsókna áður en þær eru sendar til miðlægrar keyrslu eru einkunnir í dönsku, náttúrufræði og samfélagsfræði einnig bornar saman eftir fyrirfram ákveðnu kerfi.
• Nemendur verða teknir inn eftir stigafjölda en einnig verður horft til kynjahlutfalla og mun hlutfall hvers kyns ekki fara yfir 60% innritaðra nemenda.
• Skólinn áskilur sér rétt til að taka inn nemendur með erlendan tungumála- og menningarbakgrunn með lægri einkunn í íslensku ef þeir uppfylla inntökuskilyrði að öðru leyti.

Nánar um umsóknir og úrvinnslu þeirra.

🔗 Smelltu hér til að sækja um skólavist

Spurt og svarað