Upplýsinga- og tæknimiðstöð - Viskusteinn

Upplýsinga- og tæknimiðstöð MS, Viskusteinn, er staðsett á jarðhæð Aðalsteins, inn af aðalinngangi skólans. Í miðstöðinni er afar góð aðstaða er fyrir nemendur, hvort sem það er til að fletta upp í stórum bókakosti miðstöðvarinnar, nýta stafræn framleiðslutæki eða setjast niður á huggulegum stað og lesa eða finna ró og næði til þess að læra.

Á starfstíma skólans er upplýsingamiðstöðin opin sem alla daga vikunnar frá kl. 8 - 16. Hægt er að hafa samband við Viskustein á viskusteinn@msund.is.

Upplýsinga- og tæknimiðstöð MS þjónar nemendum, kennurum og öðru starfsfólki skólans.

Í miðstöðinni er efni sem tengist kennslu og annarri starfsemi í skólanum og tækjabúnaður til stafrænnar framleiðslu. Nemendur sem nýta stafræn framleiðslutæki þurfa að greiða efniskostnað. Það er stefna safnsins að gögn þess og búnaður nýtist sem best í skólastarfinu. Vandaður undirbúningur vegna verkefna­vinnu og að nemendur gangi vel um safnið og búnað þess eru lykil­atriði varðandi góða nýtingu safn­kosts og búnaðar og góða þjónustu við nemendur.

Starfsfólk veitir alhliða bókasafns- , upplýsinga- og tækniþjónustu, svo sem aðstoð við heimildaleitir, ráðgjöf við frágang heimildaskráningar og aðstoð við notkun tæknibúnaðar.  Nemendur eru hvattir til að koma að koma með hugmyndir um bókakaup eða senda tölvupóst á msund@msund.is