Í liðinni viku fór fram umhverfisvika í MS sem var skipulögð af umhverfisnefnd skólans. Í umhverfisnefnd eru nemendur í grænfánaáfanga sem Katrín Magnúsdóttir umhverfisfræðikennari við skólann hefur umsjón með.
Í áfanganum kynnast nemendur verkferlum þess umhverfisstjórnunarkerfis sem verkefnið Skólar á grænni græn byggir á og þar beita nemendur áhrifum sínum í átt að aukinni sjálfbærni innan skólans og nærsamfélagsins. Áfanginn er kenndur yfir allt skólaárið og nær hámarki sínu í umhverfisviku að vori þar sem stefnt er að því að fá grænfánann. Í umhverfisvikunni í ár afhenti Sigurlaug Arnardóttir, verkefnisstjóri Grænfánans hjá Landvernd, skólanum grænfánann í þriðja sinn og var hann dreginn að húni í kjölfarið.
![](/static/files/_blob/do1dyljifeqtqwzylsofnd.png)
Í umhverfisvikunni komu góðir gestir í heimsókn í skólann frá Lettlandi, Litháen og Finnlandi. Skólar frá löndunum fjórum taka þátt í Nordplus samstarfsverkefni þar sem þemað er vatn með áherslu á sjálfbærni og umhverfismál, en vatn tengir öll þessi lönd. Nemendahópur frá MS heimsótti Lettland í september 2023 í tengslum við sama verkefni og nú komu 7 nemendur úr hverjum skóla til Íslands til að vinna að þemaverkefnum um vatn. Verkefnin sem unnin eru í hverju landi eru aðskild þótt þemað sé alltaf það sama, þar sem nemendahóparnir eru ekki þeir sömu í hverri ferð. Í haust mun hópur nemenda í umhverfisnefnd MS heimsækja Litháen þar sem verkefnið heldur áfram.
![](/static/files/_blob/6cjl4rnsrzeyavc4te8l4k-1713545559487.png?1713545561215)
![](/static/files/_blob/iczpnsp68hv56d4enuh7-1713545522465.jpeg?1713545522822)
![](/static/files/_blob/67e8kpsn46ibgvjhhzsigt.jpg)
![](/static/files/_blob/rx7b8cbob7b4jbx9vpvsni.jpg)
![](/static/files/_blob/5ne7gw2jjogx4y9iy42ilj.png)