Fundargerðir Öryggisnefndar MS

Árið 2012 var farið í breytingar á skólanum sem byggðu á þarfagreiningu Glámu-Kím. Aðkoma skólans að þessari þarfagreiningu var mikil og samstarf skólans og Glámu Kím náði til allra stiga þeirrar vinnu og þá ekki síst til öryggismála en aðgerðir skólans á því sviði hafa í gegnum árin verið í samvinnu og samráði við Ríkiseignir. Vinnuumhverfismálin í heild sinni og öryggismálin þar á meðal voru einnig ítrekað rædd á fundum stýrihóps um viðbyggingu við skólann eins og fundargerðir þess hóps bera vott um. Í stýrihópnum áttu sæti byggingastjóri viðbyggingar MS sem kom frá Framkvæmdasýslunni, fulltrúi mennta- og menningarmálaráðuneytis og fulltrúi Reykjavíkurborgar auk þess sem fulltrúi Framkvæmdasýslu sá um ritun fundargerða. Að auki átti rektor MS sæti á fundum stýrihópsins með málfrelsi og tillögurétt.. Unnið er í samræmi við stefnu skólans í þessum málum og útgefna aðgerðaráætlun hverju sinni en endurbætur sem snúa að lagfæringum á byggingum skólans eru alltaf unnar í samvinnu við tengilið skólans hjá Ríkiseignum. Aðgerðaáætlun MS og Ríkiseigna er unnin í samvinnu aðila og skilað árlega til Ríkiseigna.

Árið 2017 var öryggisnefnd skólans formlega stofnuð, starfsmenn skólans kusu 2 öryggistrúnaðarmenn og stjórnendur skólans útnefndu 2 öryggisverði, nefndin hefur fundað reglulega síðan. Fundargerðir nefndarinnar eru vistaðar í rafrænu skjalakerfi skólans,.

Síðast uppfært: 11.08.2022