Öryggismál

Öryggisnefnd Menntaskólans við Sund

Eftirtaldir aðilar skipa öryggisnefnd MS:

  • Hjördís Jóhannesdóttir þjónustufulltrúi og öryggistrúnaðarmaður
  • Sigrún Bryndís Gunnarsdóttir kennari og öryggistrúnaðarmaður
  • Gunnlaugur Ísleifsson umsjónarmaður og öryggisvörður
  • Már Vilhjálmsson rektor og öryggisvörður

Sigrún Bryndís Gunnarsdóttir er öryggisstjóri MS skólaárið 2018-2019 og er tengiliður skólans vegna öryggismála. Sjá nánar um hlutverk öryggisnefndar hér til hliðar.

112 - handbókin

Skólinn gefur út handbókina 112 sem m.a. inniheldur upplýsingar og leiðbeiningar um það hvernig skuli brugðist við komi upp vá í skólanum. Þar er fjallað um hvernig skuli brugðist við ef eldur verður laus í skólanum. Jafnframt eru þar leiðbeiningar um viðbrögð við vá af völdum jarðskjálfta og vá af manna völdum. Í handbókinni 112 eru einnig upplýsingar og leiðbeiningar um fyrstu hjálp.

Skólinn gaf fyrst út handbókina 112 árið 2009. Þessi handbók tók á viðbrögðum við eldsvoða, jarðskjálftavá og annarri vá sem steðjað getur að skólanum . Einnig var þar að finna fræðslu um slökkvitæki og fyrstu hjálp og rýmingaráætlun skólans. Útgáfan 2018 er fjórða útgáfa af handbókinni en öryggisnefnd MS stendur að útgáfunni að þessu sinni. 

Sjá: ÖRYGGISMÁLútg. 2018sept.pdf

Aðgerðir í öryggismálum 2018-2019

  • Sameiginlegur fundur stjórnenda MS og Vogaskóla um öryggismál, rýmingaráætlanir, safnsvæði og notkun slökkvitækja í byrjun september
  • Námskeið í notkun slökkvitækja fyrir öryggisnefnd, stjórnendur og öryggisventla verður í lok september/byrjun október
  • Ný útgáfa af öryggishandbókinni 112 kemur út seinni hluta haustannar
  • Brunaæfing/rýmingaræfing verður einhverja af fyrstu vikum vetrarannar fyrir aðventuna
  • Fyrir lok vetrarannar (sem er í febrúar) verður haldið námskeið í fyrstu hjálp og því verður fylgt eftir með sérstöku námskeiði í notkun hjartastuðtækja reynist þörf á því
Síðast uppfært: 25.09.2018